श्री ब्रह्मा चालीसा (Brahma Chalisa)

श्री ब्रह्मा चालीसा विडियो

श्री ब्रह्मा चालीसा (Brahma Chalisa)

।। दोहा ।।

जय ब्रह्मा जय स्वयम्भू, चतुरानन सुखमूल।

करहु कृपा निज दास पै, रहहु सदा अनुकूल।।

तुम सृजक ब्रह्मांड के, अज विधि घाता नाम।

विश्वविधाता कीजिये, जन पै कृपा ललाम।।

।। चौपाई ।।

जय जय कमलासान जगमूला, रहहू सदा जनपै अनुकूला।

रुप चतुर्भुज परम सुहावन, तुम्हें अहैं चतुर्दिक आनन।

रक्तवर्ण तव सुभग शरीरा, मस्तक जटाजूट गंभीरा।

ताके ऊपर मुकुट बिराजै, दाढ़ी श्वेत महाछवि छाजै।

श्वेतवस्त्र धारे तुम सुन्दर, है यज्ञोपवीत अति मनहर।

कानन कुंडल सुभग बिराजहिं, गल मोतिन की माला राजहिं।

चारिहु वेद तुम्हीं प्रगटाये, दिव्य ज्ञान त्रिभुवनहिं सिखाये।

ब्रह्मलोक शुभ धाम तुम्हारा, अखिल भुवन महँ यश विस्तारा।

अर्द्धागिनि तव है सावित्री, अपर नाम हिये गायत्री।

सरस्वती तब सुता मनोहर, वीणा वादिनी सब विधि मुन्दर।

कमलासन पर रहे बिराजे, तुम हरिभक्ति साज सब साजे।

क्षीर सिंधु सोवत सुरभूपा, नाभि कमल भो प्रगट अनूपा।

तेहि पर तुम आसीन कृपाला, सदा करहु संतन प्रतिपाला।

एक बार की कथा प्रचारी, तुम कहँ मोह भयेउ मन भारी।

कमलासन लखि कीन्ह बिचारा, और न कोउ अहै संसारा।

तब तुम कमलनाल गहि लीन्हा, अंत बिलोकन कर प्रण कीन्हा।

कोटिक वर्ष गये यहि भांती, भ्रमत भ्रमत बीते दिन राती।

पै तुम ताकर अंत न पाये, ह्वै निराश अतिशय दुःखियाये।

पुनि बिचार मन महँ यह कीन्हा, महापद्म यह अति प्राचीन।

याको जन्म भयो को कारन, तबहीं मोहि करयो यह धारन।

अखिल भुवन महँ कहँ कोई नाहीं, सब कुछ अहै निहित मो माहीं।

यह निश्चय करि गरब बढ़ायो, निज कहँ ब्रह्म मानि सुखपाये।

गगन गिरा तब भई गंभीरा, ब्रह्मा वचन सुनहु धरि धीरा।

सकल सृष्टि कर स्वामी जोई, ब्रह्म अनादि अलख है सोई।

निज इच्छा इन सब निरमाये, ब्रह्मा विष्णु महेश बनाये।

सृष्टि लागि प्रगटे त्रयदेवा, सब जग इनकी करिहै सेवा।

महापद्म जो तुम्हरो आसन, ता पै अहै विष्णु को शासन।

विष्णु नाभितें प्रगट्यो आई, तुम कहँ सत्य दीन्ह समुझाई।

भैतहू जाइ विष्णु हितमानी, यह कहि बन्द भई नभवानी।

ताहि श्रवण कहि अचरज माना, पुनि चतुरानन कीन्ह पयाना।

कमल नाल धरि नीचे आवा, तहां विष्णु के दर्शन पावा।

शयन करत देखे सुरभूपा, श्यायमवर्ण तनु परम अनूपा।

सोहत चतुर्भुजा अति सुन्दर, क्रीट मुकट राजत मस्तक पर।

गल बैजन्ती माल विराजै, कोटि सूर्य की शोभा लाजै।

शंख चक्र अरु गदा मनोहर, पद्म सहित आयुध सब सुंदर।

पाय पलोटति रमा निरंतर, शेषनाग शय्या अति मनहर।

दिव्यरुप लखि कीन्ह प्रणामू, हर्षित भे श्रीपति सुख धामू।

बहु विधि विनय कीन्ह चतुरानन, तब लक्ष्मी पति कहेउ मुदित मन।

ब्रह्मा दूरि करहु अभिमाना, ब्रह्मरुप हम दोउ समाना।

तीजे श्री शिव शंकर आहीं, ब्रह्मरुप सब त्रिभुवन मांही।

तुम सों होई सृष्टि विस्तारा, हम पालन करिहैं संसारा।

शिव संहार करहिं सब केरा, हम तीनहुं कहँ काज धनेरा।

अगुणरुप श्री ब्रह्मा बखानहु, निराकार तिनकहँ तुम जानहु।

हम साकार रुप त्रयदेवा, करिहैं सदा ब्रह्म की सेवा।

यह सुनि ब्रह्मा परम सिहाये, परब्रह्म के यश अति गाये।

सो सब विदित वेद के नामा, मुक्ति रुप सो परम ललामा।

यहि विधि प्रभु भो जनम तुम्हारा, पुनि तुम प्रगट कीन्ह संसारा।

नाम पितामह सुंदर पायेउ, जड़ चेतन सब कहँ निरमायेउ।

लीन्ह अनेक बार अवतारा, सुंदर सुयश जगत विस्तारा।

देवदनुज सब तुम कहँ ध्यावहिं, मनवांछित तुम सन सब पावहिं।

जो कोउ ध्यान धरै नर नारी, ताकी आस पुजावहु सारी।

पुष्कर तीर्थ परम सुखदाई, तहँ तुम बसहु सदा सुरराई।

कुण्ड नहाइ करहि जो पूजन, ता कर दूर होई सब दूषण।

Shri Brahma Chalisa in English

।। Doha ।।

Jai Brahma Jai Swayambhu, Chaturanan sukhmool.
Karahu kripa nij das pai, rahahu sada anukool.

Tum srijak brahmand ke, aj vidhi ghata naam.
Vishwavidhata kijiye, jan pai kripa lalaam.

।। Chaupai ।।

Jai Jai Kamlasan Jagmoola, rahahu sada janpai anukoola.
Roop Chaturbhuj param suhaavan, tumheñ ahain chaturdik aanaan.

Raktvarn tav subhag shareera, mastak jatajut gambheera.
Take oopar mukut biraajai, daadhi shvet mahachhavi chhaajai.

Shvetvastra dhare tum sundar, hai yagyopaveet ati manhar.
Kanan kundal subhag biraajahin, gal motin ki mala raajahin.

Charihu ved tumhiñ pragataye, divya gyaan tribhuvanhiñ sikhaye.
Brahmalok shubh dhaam tumhara, akhil bhuvan mahan yash vistara.

Ardhagini tav hai Savitri, apar naam hiye Gayatri.
Saraswati tab suta manohar, veena vaadini sab vidhi mundar.

Kamlasan par rahe biraaje, tum Haribhakti saaj sab saaje.
Ksheer sindhu sovat surbhupa, naabhi kamal bho pragat anoopa.

Tehi par tum aaseen kripala, sada karahu santan pratipala.
Ek baar ki katha prachari, tum kahñ moh bhayeu man bhaari.

Kamlasan lakhi keen bichara, aur na kou ahai sansara.
Tab tum kamlanal gahi leenha, ant bilokan kar pran keenha.

Kotik varsh gaye yahi bhaanti, bhramat bhramat beet din raati.
Pai tum taakaar ant na paye, hvai niraash atishay dukhiyaye.

Puni bichar man mahan yeh keenha, Mahapadm yeh ati prachin.
Yako janm bhayo ko kaaran, tabahiñ mohi karayo yeh dhaaran.

Akhil bhuvan mahan kahñ koi naahiñ, sab kuchh ahai nihit mo maahin.
Yeh nishchay kari garb badhayo, nij kahñ Brahma mani sukh paye.

Gagan gira tab bhai gambheera, Brahma vachan sunahu dhari dheera.
Sakal srishti kar swami joi, Brahm anadi alakh hai soi.

Nij ichha in sab niramaye, Brahma Vishnu Mahesh banaye.
Srishti lagi pragate traydeva, sab jag inki karihai seva.

Mahapadm jo tumharo aasan, ta pai ahai Vishnu ko shasan.
Vishnu naabhitain pragatyo aayi, tum kahñ satya dinh samujhayi.

Bhaitahu jai Vishnu hitmani, yeh kahi vand bhai nabhvani.
Taahi shravan kahi acharaj maana, puni chaturanan keen payana.

Kamalanal dhari neeche aava, tahaan Vishnu ke darshan paava.
Shayan karat dekhe surbhupa, shyamayvarn tanu param anoopa.

Sohat chaturbhuja ati sundar, kreet mukut raajat mastak par.
Gal Baijanti maal biraajai, koti Surya ki shobha laajai.

Shankh chakra aru gada manohar, padm sahit aayudh sab sundar.
Paay palotati Rama nirantar, Sheshnaag shaiya ati manhar.

Divyarup lakhi keen pranamu, harshit bhe Shri Pati sukh dhamu.
Bahuvindh vinay keen chaturanan, tab Lakshmi Pati kaheyu mudit man.

Brahma doori karahu abhimana, Brahmaroop ham dou samana.
Teeje Shri Shiv Shankar aahein, Brahmaroop sab tribhuvan maahin.

Tum son hoi srishti vistara, hum paalan karihain sansara.
Shiv sanhaar karahin sab kera, hum teenhuñ kahñ kaaj dhanera.

Agunaroop Shri Brahma bakhaanhu, nirakar tinkahñ tum jaanhu.
Hum saakar roop traydeva, karihain sada Brahm ki seva.

Yeh suni Brahma param sihaaye, Parabrahm ke yash ati gaaye.
So sab vidit Ved ke naama, mukti roop so param lalaama.

Yahi vidhi Prabhu bho janam tumhara, puni tum pragat keen sansara.
Naam Pitamah sundar payeu, jad chetan sab kahñ niramayeu.

Leenh anek baar avatara, sundar suyesh jagat vistara.
Dev danuj sab tum kahñ dhyaavahin, manvanchit tum san sab paavahin.

Jo kou dhyaan dharai nar naari, taaki aas pujaavahu saari.
Pushkar teerth param sukhdaai, tahñ tum basahu sada surraai.
Kund nahaai karahi jo poojan, taa kar door hoi sab dooshan.